Türkmenistanyň we Azerbaýjanyň Ilçileriniň Abu-Dabi şäherindäki duşuşygy

2025-nji ýylyň 24-nji oktýabrynda Türkmenistanyň Birleşen Arap Emirliklerindäki Ilçisi Baýram Baýramow bilen Azerbaýjan Respublikasynyň Birleşen Arap Emirliklerindäki Ilçisi Elçin Bagyrow Abu-Dabi şäherindäki Azerbaýjan Respublikasynyň Ilçihanasynda duşuşyk geçirdiler.

Duşuşygyň başynda Ilçi Bagyrow täze wezipä bellenilmegi bilen Ilçi Baýramowy gutlady we oňa işinde uly üstünlikleri arzuw etdi. Ol Türkmenistanyň we Azerbaýjanyň arasyndaky umumy taryha, medeniýete hem-de özara hormata esaslanýan dost-doganlyk gatnaşyklarynyň ýokary derejesini belledi.

Taraplar iki ýurduň ýolbaşçylarynyň arasynda geçirilen soňky ýokary derejeli saparlaryň we gepleşikleriň netijelerini ara alyp maslahatlaşdylar, olaryň özara düşünişmegi hem-de giň ugurlarda hyzmatdaşlygy berkitmekde ähmiýetini nygtadylar.

Ilçi Baýramow Türkmenistanyň syýasy, ykdysady, medeni we ynsanperwer ugurlarda hyzmatdaşlygy ösdürmäge bolan ygrarlylygyny tassyk etdi.

Duşuşyk Türkmenistan bilen Azerbaýjanyň arasyndaky däp bolan doganlyk, dostluk we hyzmatdaşlyk ruhuny beýan edýän özara düşünişmek hem-de dostlukly ýagdaýda geçdi.