HABARLAR
ÝYL BEREKETLI GELDI
Ýurduň demirgazygynyň ekarançylary üçin tamamlanyp barýan ýyl rysgally-bereketli boldy. Zerur agrotehniki çäreleriň öz wagtynda geçirilmegi netijesinde esasy oba hojalyk ekinlerini – pagta, galla, şaly, kartoşka, sogan we beýleki ekinleri taýýarlamagyň tabşyrygy ýerine ýetirildi. Ýerli babadaýhanlar aralyk we giçki güýzde ekilýän ekinleri ýetişdirmegiň ýetik tejribesini topladylar. Mysal üçin, Daşoguz welaýatynda ilkinji gezek güýzlük galladan boşan üç müň ýedi ýüz gektar ýerde mäş, 250 gektar meýdanda noýba ekildi, ähli ýerde diýen ýaly künji ýetişdirilýär. Döwlet Baştutanynyň başlangyçlary bilen sebitde azyk önümçiliginiň möçberi artdyryldy. Mysal üçin, bäş ýarym müň tonnadan gowrak mäş, üç ýüz elli tonnadan gowrak künji, ýüzlerçe tonna noýba taýýarlanyldy. Ýazda ekilen kartoşkadan 56 müň tonna hasyl alyndy, şeýle hem bir müň bir ýüz gektar meýdandan güýzlük kartoşka ýygnaldy. Bu ýerde müň gektar ýerde ilkinji gezek güýzlük sogan ekilendigini hem bellemek gerek.
Sebitde ýer we suw serişdelerinden rejeli peýdalanmagyň, önümçilige döwrebap tehnologiýalary ornaşdyrmagyň we oba hojalyk pudagyna hususy önüm öndürijileri işjeň çekmegiň hasabyna oba hojalyk önümçiliginiň möçberini mundan