HABARLAR
AŞGABATDA WE WENADA TÜRKMEN-AWSTRIÝA «GALKYNYŞ» ORKESTRINIŇ ONLAÝN KONSERTI GEÇIRILDI
2020-nji ýylyň 4-nji dekabrynda Magtymguly adyndaky Milli sazly we drama teatrynyň binasynda konsert geçirildi. Medeniýet ministrligi, Türkmenistanyň Awstriýadaky Ilçihanasynyň goldawy bilen, Türkmenistanyň Bitaraplygynyň şanly 25 ýyllygyna bagyşlanan halkara çäräni taýýarlady, bu çäre Türkmenistanyň Prezidenti Gurbanguly Berdimuhamedowyň daşary syýasatynda ynsanperwerlik ugrunyň ähmiýetiniň aýdyn subutnamasy boldy.
Aşgabat konsert meýdançasynda Türkmenistanyň Medeniýet ministri Atageldy Şamyradow çykyş edip, şu ýyl Awstriýada bellenilýän Awstriýa bitaraplygynyň 65 ýyllygy bilen Türkmen-Awstriýa jemgyýetiniň düýbüni tutujy we prezidenti Neda Bergeri gutlady.
Neda Berger bolsa öz gezeginde muňa jogap edip, netijeli hyzmatdaşlygy üçin türkmen tarapyna minnetdarlyk bildirdi we milletiň Liderini we türkmen halkyny Awstriýalylaryň adyndan ýakyn günlerde belleniljek - Halkara Bitaraplyk güni bilen tüýs ýüreginden mähirli gutlady.
Konsertinň dowamynda kompozitor Iogan Strausyň, Wolfgang Motsartyň, Nury Halmamedowyň we Rejep Rejepowyň aýdym-saz kompozisiýalary ussatlyk bilen ýerine ýetirildi.